මර්කන්ටයිල් ඉන්වෙස්ට්මන්ට් සමාගම, ශ්‍රී ලංකාව පුරා විසිරී සිටින සිය ගනුදෙනුකරුවන්ට වැඩිදියුණු කළ  ලීසිං විසඳුම් ලබා දීම අරමුණු කර ගනිමින් ටොයොටා ලංකා පෞද්ගලික සමාගම සමඟ නිල වශයෙන් සහයෝගිතා ගිවිසුමක් අත්සන් තැබීම පසුගිය දා සිදු කෙරිණි.

මෙම සහයෝගිතාවේ කොටසක් ලෙස, නවතම ටොයොටා වාහන හෝ Toyota Sure සහතිකය සහිත භාවිත කළ වාහන මිල දී ගැනීමට අපේක්ෂා කරන ගනුදෙනුකරුවන්ට දැන් මර්කන්ටයිල් ඉන්වෙස්ට්මන්ට් හරහා ආකර්ෂණීය හා නම්‍යශීලී ලීසිං සේවා ලබා ගත හැකි අතර, ගනුදෙනුකරුවන්ට දැරිය හැකි මිලකට ගුණාත්මක තත්ත්වයේ  වාහනයක් මිල දී ගැනීමේ අවස්ථාව ලබා දීම එහි අරමුණයි.

මූල්‍ය ක්ෂේත්‍රය තුළ දශක හයකට අධික විශ්වාසයක් සහ විශිෂ්ටත්වයක් ගොඩනඟා ගෙන සිටින මර්කන්ටයිල් ඉන්වෙස්ට්මන්ට් සමාගම, විවිධ කර්මාන්ත ක්ෂේත්‍රවල ප්‍රමුඛයන් සමඟ අත්වැල් බැඳ ගනිමින් ගනුදෙනුකරුවන් වෙත ගුණාත්මක සේවාවක් ලබා දීම වෙනුවෙන් කැප වන අතර,  ටොයොටා ලංකා සමාගම සමඟ ගොඩනඟා ගත්  මෙම සහයෝගිතාව හරහා ද අද්විතීය සේවාවක් ලබා දීමට එම සමාගම අරමුණු කරයි.