Green House Gas Verification Opinion
2024/25 මුල්ය වර්ෂය සඳහා මර්කන්ටයිල් සමාගම, ISO 14064-1:2018 සහතිකයට අනුකූලව පරිසර අමාත්යංශය යටතේ ශ්රී ලංකා දේශගුණික අරමුදල (SLCF) හරහා හරිතාගාර වායු (GHG) ප්රකාශනය වෙනුවෙන් ආයතනික මට්ටමේ ස්වාධීන තහවුරුව හිමිකරගෙන තිබේ. මෙම තහවුරුව, මර්කන්ටයිල් ඉන්වෙස්ට්මන්ට්ස් ඇන්ඩ් ෆිනෑන්ස් සමාගමේ හරිතාගාර වායු විමෝචන දත්තවල විශ්වසනීයත්වය, පරිපූර්ණත්වය සහ නොවෙනස් බව ශක්තිමත් කරන අතර, ශක්තිමත් පාරිසරික කාර්යසාධනය අධීක්ෂණය සහ වාර්තාකරණයට සහයෝගය ලබා දෙයි.
මෙම තහවුරු කිරීමේ ක්රියාවලිය, ශ්රී ලංකාවේ ජාතිකව නිර්ණය කළ දායකත්ව (NDCs) සහ එක්සත් ජාතීන්ගේ තිරසර සංවර්ධන ඉලක්ක ඇතුළු ජාතික සහ ජාත්යන්තර මට්ටමේ දේශගුණයට අදාළ රාමුවලට අනුගත වීමට අවශ්ය සහයෝගය ලබා දෙයි. මර්කන්ටයිල් ඉන්වෙස්ට්මන්ට්ස් ඇන්ඩ් ෆිනෑන්ස් සමාගම, නිරන්තරයෙන් සිදුකරන විමෝචන අධීක්ෂණය, දත්ත මත පදනම් වූ තීරණ ගැනීම සහ පාර්ශ්වකරුවන් සම්බන්ධකර ගැනීම හරහා මෙහෙයුම් සහ අවදානම් කළමනාකරණ ක්රියාවලි තුළට දේශගුණයට අදාළ කරුණු ඇතුළත්කර ගැනීමට අඛණ්ඩව කැප වෙමින් ඉහළ දේශගුණික ඔරොත්තු දීමේ හැකියාවට සහ දිගුකාලීන පාරිසරික තිරසාරත්වයට දායකත්වය ලබා දෙයි.
චක්රීය ආර්ථිකයක් කරා යන ගමනට වසරක් සපිරෙයි!
මර්කන්ටයිල් ඉන්වෙස්ට්මන්ට්ස් ඇන්ඩ් ෆිනෑන්ස් (MI) සහ Cleantech සමාගම සමග ඇතිකර ගත් තිරසර අපද්රව්ය බැහැර කිරීමේ හවුල්කාරිත්වය සාර්ථකව වසරක් සපුරා ඇත. Cleantech යනු, ISO 9001:2015, ISO 14001:2015 සහ ISO 45001:2018 යන තත්ත්ව සහතික හිමි සමාගමකි.
මෙම සුවිශේෂී වසරක කාලය තුළ, MI සමාගම ප්රතිචක්රීයකරණය කළ හැකි අපද්රව්ය මෙට්රික් ටොන් 4.5 කට අධික සංඛ්යාවක් සහ ඉ-අපද්රව්ය ඒකක 103 ක් වගකීම්සහගත ලෙස බැහැර කරමින්, සම්පත් ප්රතිසාධනය, අපද්රව්ය අඩු කිරීම සහ පාරිසරික කළමනාකාරිත්වය සඳහා දායකත්වය ලබා දී තිබේ.
මෙම වැඩසටහන, එක්සත් ජාතීන්ගේ 12 වැනි තිරසර සංවර්ධන ඉලක්කයවන වගකීමෙන් යුතු පරිභෝජනය සහ නිෂ්පාදනයට මෙන්ම 13 වැනි ඉලක්කයවන දේශගුණික ක්රියාකාරකම් සඳහා දායකත්වය ලබා දෙමින් වඩාත් තිරසර සහ චක්රීය ආර්ථිකයක් උදෙසා MI කැපවීම පිළිබිඹු කරයි.
වඩාත් පිරිසිදු සහ හරිතවත් අනාගතයක් ගොඩනැගීමට එක් වෙමු!