சமூக மேம்பாட்டிற்கான எங்களின் தொடர்ச்சியான அர்ப்பணிப்பின் ஒரு பகுதியாகவும், ஐக்கிய நாடுகள் சபையின் நிலையான வளர்ச்சி இலக்கு 4 – தரமான கல்விக்கு இணங்கவும், எங்கள் நிறுவனம் சமீபத்தில், அவசியமான மாணவர்களுக்கு ஆதரவளிக்கும் வகையில் ஒரு பெருநிறுவன சமூகப் பொறுப்பு (CSR) முன்னெடுப்பை மேற்கொண்டது.

2026 ஆம் ஆண்டு மார்ச் 24 ஆம் திகதி, அத்தியாவசியக் கல்வி வளங்களைப் பெறுவதில் சவால்களை எதிர்கொள்ளும் பின்தங்கிய குடும்பங்களைச் சேர்ந்த பிள்ளைகளுக்கு சேவை செய்யும் பாடசாலையான, கட்டுநாயக்கவில் உள்ள கட்டுநாயக்க மகா வித்தியாலயத்திற்கு நாங்கள் எங்கள் ஆதரவை வழங்கினோம். இந்த முயற்சியால் 5 மற்றும் 6 ஆம் வகுப்புகளைச் சேர்ந்த 35 மாணவர்கள் பயனடைந்தனர்.

அவர்களின் கல்விப் பயணத்திற்கு ஆதரவளிக்கும் வகையில், அத்தியாவசியமான எழுதுபொருட்கள், பாடசாலை பைகள், மற்றும் ஏனைய கற்றல் உபகரணங்களுடன் அவர்களது குடும்பங்களுக்கு உதவும் வகையில் உணவு பொருட்களையும் நாங்கள் வழங்கினோம்.

இந்த நிகழ்ச்சி, ஜா-எலா கிளை முகாமையாளர் திரு. எஸ்.வரதன் அவர்களால் ஏற்பாடு செய்யப்பட்டதுடன் சிரேஷ்ட பிராந்திய முகாமையாளர் திரு. நந்தன பிரதீப் அவர்களின் தலைமையில் இடம்பெற்றது. எமது பிரதம செயற்பாட்டு அதிகாரி திரு. லக்சந்த குணவர்தன மற்றும் அதன் அங்கத்தவர்கள் தலைமையிலான நிலையான ஆளுகைக் குழுவின் வழிகாட்டுதலின் கீழ், ஜா-எல மற்றும் நீர்கொழும்பு கிளைகளின் அர்ப்பணிப்புள்ள குழுக்களின் ஆதரவுடன் இந்நிகழ்வு வெற்றிகரமாக நிறைவேற்றப்பட்டது.

இது போன்ற முன்னெடுப்புகள் மூலம், சமூகங்களுக்கு வலுவூட்டுவதற்கும், சிறந்த எதிர்காலத்திற்கான கல்விக்கு ஆதரவளிப்பதற்கும் எங்களது அர்ப்பணிப்பைத் தொடர்ந்து வலுப்படுத்தி வருகிறோம்.