வைப்புக்கள் மற்றும் மீள்பெறுவனவுகள் என்பன தற்போது இலங்கையில் நடைமுறையிலுள்ள சட்ட விதிகளுக்கமைவாக மேற்கொள்ளப்படுகின்றன. நிதிக் கம்பனியானது, நிதிக் கம்பனிக்கு திருப்திகரமான வகையில் அடையாளத்தினை உறுதிப்படுத்துவதனூடாக எமது தலைமை அலுவலகம் மற்றும் கிளை வலையமைப்புக்களில் பணத்தினை மீளப் பெறுவதற்கு அனுமதியளிக்கும் அதிகாரத்தினைக் கொண்டுள்ளது.

1. ஏற்றுக் கொள்ளப்பட்டாலன்றி, நிதிக் கம்பனியினால் தீர்மானிக்கப்படக் கூடியவாறான அத்தகைய இடைவேளைகளில் வாடிக்கையாளரின் கணக்கு மீதான காலப்பகுதிக்குரிய கூற்றினை வழங்கும். வாடிக்கையாளர் ஒருவரினால் பெற்றுக் கொள்ளப்பட்ட காலப்பகுதிக்குரிய மீதிக் கூற்று தொடர்பில் தவறுகள் அல்லது முழுமையின்மை தொடர்பில் வாடிக்கையாளருக்கு ஏதேனும் ஆட்சேபைனை இருப்பின் அதனை உடனடியாகவே குறிப்பிடுதல் வேண்டும். அத்தகைய கூற்றினை பெற்றுக் கொண்டதும் உடனடியாகவே எழுத்து மூலம் நிதிக் கம்பனியினால் பெற்றுக் கொள்ளப்படுதல் வேண்டும். அவ்வாறு ஏதேனும் ஆட்சேபனை மேலே குறித்துரைக்கப்பட்ட காலப்பகுதியினுள் தெரிவிக்கப்படாவிடின், குறித்த காலப்பகுதிக்குரிய கூற்றானது சரியானதெனக் கருதப்பட்டு அறிக்கை வடிவில் தயாரிக்கப்படும்.

1. வாடிக்கையாளர் ஒருவரின் கணக்கு இணைந்த கணக்காக இருக்கும் சந்தர்ப்பத்தில், இணைந்த கணக்கினை வைத்திருப்பவர்கள் அத்தகைய கணக்கினூடாக ஏதேனும் கொடுக்கல் வாங்கலினை இணைந்து கூட்டாக மேற்கொள்ளலாம்.
2. இணைந்த கணக்கினை வைத்திருப்பவர்களில் ஒருவர் அல்லது ஒன்றிற்கு மேற்பட்டவர்கள் இறக்கும் சந்தர்ப்பத்தில், நிதிக் கம்பனியானது அதில் வைப்பிலிடப்பட்டுள்ள முழுப் பணத்தையும் அனைத்து ஆவணங்களையும் எஞ்சியுள்ளவர்களிடம் வழங்குதல் வேண்டும் அல்லது இறந்து போன இணைந்த கணக்கினை வைத்திருந்தவரின் சட்ட ரீதியான பின்னுரித்தாளர் அல்லது பிரதிநிதிகளின் பெயர் குறிப்பிடப்பட்டிருக்கா விடின் இணைந்த கணக்கினை வைத்திருப்பவர்களின் ஏதேனும் கணக்கில் செலவு வைக்கப்படும்.
3. இணைந்த கணக்கினை வைத்திருக்கும் ஒன்றோ அல்லது ஒன்றிற்கு மேற்பட்டவர்களின் இறப்பு பற்றிய அறிவித்தலினைப் பெற்றுக் கொண்டதும் நிதிக் கம்பனியானது வைப்பிலுள்ள அனைத்துப் பணங்கள் மற்றும் ஆவணங்களினைக் கையளிப்பதற்கோ அல்லது அதன் கடப்பாடுகளினை முழுமையாக நிறைவேற்றுதல் வேண்டும்.
4. நிதிக் கம்பனியானது ஒன்றோ அல்லது ஒன்றிகு மேற்பட்டஇணைந்த கணக்கினை வைத்திருப்பவர்களின் இறப்பு குறித்த அறிவித்தலினைப் பெற்றுக் கொண்டதும் வைப்பிலிடப்பட்டுள்ள அனைத்துப் பணங்கள் மற்றும் ஆவணங்கள் அல்லது நிதிக் கம்பனியினால் வைத்திருக்கப்படும் ஏதேனும் கணக்கு தொடர்பான அதன் கடப்பாடுகளை முழுமையாக நிறைவேற்றுதல் வேண்டும்.
5. பங்குடமை கணக்கு வைத்திருப்பவர்கள் நிதிக் கம்பனியினால் அளிக்கப்படும் அனுமதிக்கப்பட்ட வசதிகளினைப் பயன்படுத்துவதன் மூலம் செயல்முறைப்படுத்தப்பட்ட அனைத்து கொடுக்கல் வாங்கலுக்குமானபொறுப்பினை இணைந்த வகையில் ஏற்கின்றனர்.

1. சேமிப்புக் கணக்கானது தனிப்பட்டவர்களினால் தனியாகவோ அல்லது கூட்டாக இணைந்தோ திறக்கப்பட முடியும்.
2. தேசிய அடையாள அட்டை, கடவுச் சீட்டு, வாகன சாரதி அனுமதிப் பத்திரம் அல்லது சிரேஷ்ட பிரஜைகளுக்கான அடையாள அட்டையினைச் சமர்ப்பிப்பதன் மூலம் திறக்கப்பட முடியும்.
3. 18 வயதிற்குக் குறைந்தவர்களுக்கான சிறுவர் சேமிப்புக் கணக்கொன்றினைத் திறப்பதாயின் பிறப்புச் சான்றிதழ் சமர்ப்பிக்கப்பட வேண்டும்.
4. சேமிப்புக் கணக்கொன்றினைத் திறப்பதற்கு ஆகக்குறைந்தது ரூபா.500/- இனை வைப்பிலிடுதல் வேண்டும்.
5. கம்பனியினால் விதித்துரைக்கப்பட்ட ஆகக்குறைந்த தொகையான ரூபா.500/- இனை விடக் கணக்கு மீதி குறைவாக காணப்படுமாயின் வட்டியானது செலவு வைக்கப்பட மாட்டாது.
6. தேசிய அடையாள அட்டை, கடவுச் சீட்டு, வாகன சாரதி அனுமதிப் பத்திரத்தினைச் சமர்ப்பிப்பதன் மூலம் பணத்தினை மீளப் பெற்றுக் கொள்ளலாம். சேமிப்புப் புத்தகத்துடன் மீளப் பெறும் படிவத்தினை முறையாகப் பூரணப்படுத்தி சமர்ப்பித்தல் வேண்டும். இணைந்த சேமிப்புக் கணக்கில் மீளப் பெறுதல் குறித்து ஏதேனும் விசேடமாக குறிப்பிடப்படின் கணக்கு திறக்கும் போதே வழங்குதல் வேண்டும், (ஒரு தரப்பினது அல்லது இரண்டு தரப்பினதும் கைய்யொப்பம்)
7. அஞ்சல் முகவரி மாற்றம் குறித்து உடனடியாகவே எழுத்து மூலம் கம்பனிக்கு அறிவித்தல் வேண்டும்
8. கணக்குப் புத்தகம் தொலைந்து போனாலும் உடனடியாக கம்பனிக்கு அறிவித்தல் வேண்டும்
9. காசோலைகள் / வரைபுகள்/ மற்றும் காசுக் கட்டளைகள் என்பன நிதிக் கம்பனியின் ஏக முடிவின்படி சேமிப்புக் கணக்குகளில் வைப்பிலிடுவதற்கு ஏற்றுக் கொள்ளப்படலாம்
10. வட்டியானது நாளாந்த மீதிக்கு கணக்கிடப்பட்டு குறித்த கணக்கில் ஒவ்வொரு கணிப்பீட்டின் போதும் தேவையான ஆகக் குறைந்த மீதி இருக்குமாயின் மாதாந்தம் கணக்கில் சேர்க்கப்படும்.
11. ஏதேனும் வைப்பு அல்லது மீளப் பெறுதல் மேற்கொள்ளப்படும் போது கரும பீடத்தில் கணக்குப் புத்தகம் சமர்ப்பிக்கப்படின் நிதிக்கம்பனியினால் குறித்த கணக்குப் புத்தக்கத்தில் குறித்த நடவடிக்கையானது பதிவேற்றப்படும். கணக்கு வைத்திருப்பவர் நிதிக் கம்பனியினை விட்டுச் செல்ல முன்னர் பதிவுகள் சரியாகப் பதிவேற்றப்பட்டுள்ளனவா என்பதனை அறிந்து கொள்வதற்காக அவரின் கணக்குப் புத்தக்கதினை கவனமாக பரிசீலித்துப் பார்த்தல் வேண்டும். ஏதேனும் முரண்பாடு காணப்படுமிடத்து அது குறித்து நிதிக் கம்பனிக்கு உடனடியாகவே அறிவித்தல் வேண்டும்.
12. ஐந்து வருடங்களுக்கு மேல் கொடுக்கல் வாங்கல் எதுவும் மேற்கொள்ளப்பட்டிருக்காத கணக்கு தொழிற்பாடற்ற கணக்கு என வகைப்படுத்தப்படும்.

Deposits

1. வைப்புக்கள் 2005 ஆம் ஆண்டின் 1 ஆம் இலக்க நிதிக் கம்பனி (வைப்புக்கள்) பணிப்புரைக்கமைவாக பெற்றுக் கொள்ளப்படும்.
2. வைப்புக்கள் தனியொருவரின் பெயரில் அல்லது, அவ்வாறில்லையெனில் தேவைப்படின் ஒன்றிக் மேற்பட்டவர்களின் பெயர்களில் மேற்கொள்ளப்படலாம் என்பதுடன் கொடுப்பனவுகள் தனிப்பட்ட ஒருவருக்கோ, கூட்டாகவோ அல்லது பலருக்கோ அல்லது பின்னுரித்தாளருக்கோ அல்லது விண்ணப்பத்தில் பெயர் குறிப்பிடப்பட்டவருக்கோ மேற்கொள்ளப்படலாம்.
3. இணைந்த வைப்புக் கணக்கில் வெறு எவரினதும் பெயர் குறிப்பிடப்பட்டிருப்பின் முதிர்வின் போது வைப்பாளர்களில் யாரேனும் ஒருவர் உயிருடன் இருந்தாலும் அத்தகைய பெயர் குறிப்பிடலானது சட்ட ரீதியாக செல்லுபடியற்றதாகும்.
4. முகவரி , பெறுபவர் குறித்த ஏதேனும் மாற்றங்கள் அல்லது நிலையான வைப்புச் சான்றிதழ் தொலைந்து போதல் என்பன குறித்து உடனடியாக கம்பனிக்கு எழுத்து மூலம் அறிவித்தல் வேண்டும்.
5. தவணை வைப்பினை ஆரம்பிப்பதற்கு தேவையான ஆகக்குறைந்த தொகை ரூபா.5000/- ஆகும்.
6. தகைமை வாய்ந்த வைப்புப் பொறுப்புக்கள் வைப்பாளர் ஒருவருக்கு ஆகக்கூடுதலாக ரூபா.600,000/- வரையிலான இழப்பீட்டுக்காக நாணயச் சபையினால் அமுல்படுத்தப்படும் இலங்கை வைப்புக் காப்புறுதி திட்டத்தில் காப்புறுதி அளிக்கப்படுகின்றன.

வட்டியானது மாதாந்தம், காலாண்டு, வருடத்திற்கு இரண்டு தடவை அல்லது வருடாந்தம் அல்லது சேர்ந்த அடிப்படையில் செலுத்தப்படலாம் என்பதுடன் கணக்கு திறக்கப்படும் போது கம்பனிக்குத் தெரிவிக்கப்பட்டவாறு வைபாளர்களின் முன்னுரிமையின் அடிப்படையில் முதிர்வின் போது செலுத்தப்படலாம்.

1. மீளப் பெறுகைகள் குறித்து வைப்பாளர்களினால் கம்பனிக்கு எழுத்து மூலம் அறிவிக்கப்படுதல் வேண்டும்.
2. நிலையான காலப்பகுதிக்கென வைப்புச் செய்யப்பட்ட வைப்புக்கள் முதிர்வு்குக முன்னதாக மீளப்பெற்றுக் கொள்ளபட முடியாது ஆனால் மீள் பெறுகைகளுக்கான விசேட விண்ணப்பங்கள் தொடர்பில் முதிர்வுக்கு முன்னதாக மூன்று மாத கால முன்னறிவித்தல் கிடைக்கப் பெற்றிருப்பின் கவனத்தில் கொள்ளப்படும். எவ்வாறாயினும், கம்பனிக்குரித்தளிக்கப்பட்ட அதிகாரத்தின்படி, குறித்த அறிவித்தலினை ஏற்றுக் கொள்ளவோ அல்லது நிராகரிக்கவோ அதற்கு அதிகாரமுண்டு. முதிர்வுக்கு முன்னதாக மீளப்பெறப்படும் வைப்புக்கள் அல்லது அதன் ஒருபகுதி மீது தண்டப்பணம் அறவீடு செய்யப்படும். இத்தகைய சந்தர்ப்பத்தில், வைப்புச் செய்யப்பட்ட காலப்பகுதியின் அடிப்படையில் வட்டியில் சிறியளவு தொகை கழிப்பனவு செய்யப்படும் அதேவேளையில் மிகையாகச் செலுத்தப்பட்ட வட்டி கம்பனிக்கு மீளளிக்கப்படும். கம்பனியானது வைப்பிலுள்ள மூலதனத்திலிருந்து குறித்த மிகைத்தொகையினைக் கழிப்பனவு செய்வதற்கான உரிமையினைக் கொண்டுள்ளது. வைப்பாளர்கள் வைப்புத் தொகையினையும் வட்டியினையும் மீளப் பெற்றுக் கொள்வதற்கு சான்றிதழின் மறுபக்கத்தில் கையொப்பமிட்டு கம்பனியிடம் மிள்க கையளிக்குமாறு கேட்டு்க் கொள்ளப்படும்.

1. வருடமொன்றுக்கு 4% கடன் வட்டியானது வைப்புக்கு ஏற்புடையதான மேற்படி வட்டி வீதத்தில் அறவிடப்படும்.
2. மேற்குறித்த வைப்பின் பின்னரான வசதி தொடர்பான வட்டி வீதங்கள் மற்றும் சேவை வீதங்களில் மாற்றங்களை மேற்கொள்வதற்கான அதிகாரம் கம்பனிக்குள்ளது.

1. வைப்பாளர் இறக்குமிடத்து, நிலையான வைப்பு மீதான சம்பாத்தியங்கள் அவரின் சட்ட ரீதியான பின்னுரித்தாளர், பெயர் குறிப்பிடப்பட்டவர் அல்லது வாரிசு, நிறைவேற்றுனருக்கு வழங்கப்படும்.
2. வைப்புச் சான்றிதழ் கைமாற்றத்தகாதது. எவ்வாறாயினும், வைப்பு விண்ணப்பத்தில் ஏதேனும் விசேடமான அறிவுறுத்தல்கள் வழங்கப்பட்டிருப்பின், முதிர்வின் போது வைப்பாளர் /கள் அல்லது அவர்களின் பிரதிநிதி, வாரிசு, நிறைவேற்றுனர் அல்லது பெயர் குறிப்பிடப்பட்டவர் அதனைப் பெற்றுக் கொள்வதற்கான உரித்துடையவர்களாவர்.
3. வைப்பாளரினால் ஏதேனும் கோரிக்கை முன்வைக்கப்படின், கம்பனியினால் முதிர்வின் போது வைப்பாளர் / களினால் குறிப்பிடப்பட்ட கணக்கிற்கு வட்டி / வைப்புப் பணத்தினை அனுப்பி வைக்கப்படலாம். இத்தகைய சந்தர்ப்பத்தில், வைப்பாளர்’ / களினால் அறிவுறுத்தப்பட்டவாறான அத்தகைய அனுப்புதலினை மேற்கொண்டமையால் கம்பனிக்கெதிராக எழுகின்ற ஏதேனும் கோரிக்கைகள், நட்டங்கள், இழப்புக்கள் மற்றும் ஏதேனும் செலவினங்களை வைப்பாளர் / களே பொறுப்பேற்றுக் கொள்ளுதல் வேண்டும்.
4. காசோலை மூலமாக வைப்பு மேற்கொள்ளப்படுகின்ற சந்தர்ப்பத்தில், வைப்புச் சான்றிதழானது காசோலை தேறியதன் பின்னர் மட்டுமே வழங்கப்படும்.
5. காசோலைகள் “மேர்கன்டைல் இன்வெஸ்ற்மென்ற்ஸ் அன்ட் பினான்ஸ் பிஎல்சி” எனும் பெயரில் எழுதப்படுதல் வேண்டும் என்பதுடன் அவை குறுக்குக் கோடிட்டு “பெறுவோன் கணக்கு மாத்திரம்” எனக் குறிப்பிடப்படுதலும் வேண்டும்.

• ஒவ்வொரு வைப்புத்தொகையின் அளவையும் கட்டுப்படுத்துங்கள்
• கம்பனியானது ஒவ்வொரு வைப்பினதும் தொகையினை நிர்ணயிப்பதற்கும் வைப்பொன்றுக்கான ஏதேனும் விண்ணப்பத்தினை ஏற்றுக் கொள்ள அல்லது நிராகரிப்பதற்கான அதிகாரத்தினைக கொண்டுள்ளது.
• வைப்பாளர்களுக்கு செலுத்தப்படும் அல்லது செலுத்தத்தக்க வட்டி வீதங்களில் முன்னறிவித்தலுடன் அல்லதுமுன்னறிவித்தலின்றி அரசாங்கத்தினால் அல்லது மத்தியவங்கியின் நாணயச் சபையினால், அல்லது ஏதேனும் பிசுக்கால் கொள்கை அல்லது மீளாய்வினால் ஏதேனும் மாற்றம் ஏற்படுத்தப்படின், பைபுக்களின் நியதிகள் மற்றும் நிபந்தனைகளில் மாற்றங்கள் ஏற்படுத்தப்படும்.
• ஒரு மாதத்திற்குக் குறையாத அறிவித்தல் வழங்கிய பின்னர் வைப்பு மீளளிப்புச் செய்யப்படும்.
• காலத்திற்குக் காலம் அரசாங்கத்தினால் ஏதேனும் நியதிச்சட்ட கட்டணங்கள் விதிக்கப்படின், அவை அறவீடு செய்யப்படும்.

• வாடிக்கையாளர் தகவல்கள் தொடர்பில் ஏதேனும் மாற்றம் ஏற்படுமிடத்து அத்தகைய மாற்றங்கள் தொடர்பான அனைத்துத் தகவல்களும் (முகவரி, வங்கி, தொழில் மற்றும் பெயர் குறிப்பிடப்பட்டவர்) நிதிக் கம்பனிக்கு எழுத்து மூலம் வாடிக்கையாளரினால் வழங்கப்படுதல் வேண்டும்.
• நிதிக் கம்பனியானது அதற்குரித்தளிக்கப்பட்டுள்ள அதிகாரத்தின்படி, வாடிக்கையாளருக்கு ஏதேனும் அறிவித்தல், கடிதம், பத்திரம் அல்லது ஆவணமொன்றினை சாதாரண தபால், நேரடியாக, தொலைநகல் அல்லது மின்னஞ்சல் (வாடிக்கையாளரினால் நிதிக் கம்பனிக்கு இறுதியாக வழங்கப்பட்டிருந்த முகவரி, தொலைநகல் இலக்கம் அல்லது மின்னஞ்சல் முகவரிக்கு) மூலமாக அனுப்பி வைக்கப்படும் என்பதுடன் அத்தகைய தொடர்பாடலானது தபாலிடப்பட்டு இரண்டு நாட்களின் பின்னர் (உள்நாடெனில்), தபாலிடப்பட்டு ஐந்து நாட்களின் பின்னர் (வெளிநாடெனில்),தொடர்பாடல் மேற்கொண்ட அவ்வேளையிலேயே (தொநைகல் அல்லது மின்னஞ்சல்) அல்லது வழங்கிய வேளையிலேயே (நேரடியாக) வாடிக்கையாளரினால் பெற்றுக் கொள்ளப்பட்டிருக்குமென கருத்திற் கொள்ளப்படும்.