ප්‍රජා සංවර්ධනය සහ එක්සත් ජාතීන්ගේ හතරවැනි තිරසර සංවර්ධන ඉලක්කයවන ගුණාත්මක අධ්‍යාපනයක් වෙනුවෙන් දක්වන කැපවීම පිළිබිඹු කරමින්, අවධානයට ලක්විය යුතු තවත් සිසුන් පිරිසක් වෙනුවෙන් අපි ප්‍රජා සත්කාරක වැඩසටහනක් දියත් කළෙමු.

ඒ අනුව, අධ්‍යාපනයට අත්‍යාවශ්‍ය සම්පත් සපයා ගැනීමේ අභියෝගයට මුහුණ දී සිටින අඩු වරප්‍රසාදලාභී පවුල්වල දරුවන් හට අධ්‍යාපනය ලබාදෙන කටුනායක මහා විද්‍යාලයේදී 2026 මාර්තු මස 24 වනදා මෙම වැඩසටහන දියත් කෙරිණි. එමගින්, 5 සහ 6 ශ්‍රේණිවල දරුවන් 35 දෙනෙකුට ප්‍රතිලාභ හිමි විය.

ඔවුන්ගේ අධ්‍යාපන ගමනට සවියක් වෙමින් අපි දරුවන්ට අත්‍යාවශ්‍ය ලිපිද්‍රව්‍ය, පාසල් බෑග්, වෙනත් ඉගෙනුම් ද්‍රව්‍ය මෙන්ම ඔවුන්ගේ පවුල් සඳහා ආහාර මලු ලබා දීමට ද මෙහිදී කටයුතු කළෙමු. දරුවන් සඳහා වඩාත් අන්තර්කරණ සහ ඉගෙනීමට උනන්දු කරවන ඉගෙනුම් පරිසරයක් ගොඩනැගීම මෙම වැඩසටහනේ අරමුණ විය.

ජ්‍යෙෂ්ඨ ප්‍රාදේශීය කළමනාකාර නන්දන ප්‍රදීප් මහතාගේ මූලිකත්වයෙන්, ජා-ඇල ශාඛා කළමනාකාර එස්. වරධන් මහතා මෙම වැඩසටහන සංවිධාන කළේය. ප්‍රධාන මෙහෙයුම් නිලධාරී ලක්සඳ ගුණවර්ධන මහතා සභාපතිත්වය දරන තිරසර පරිපාලන කමිටුවේ මගපෙන්වීම යටතේ ජා-ඇල සහ මීගමුව ශාඛාවල කාර්යමණ්ඩල සාමාජිකයින්ගේ නොමඳ සහයෝගයෙන් යුතුව එම වැඩසටහන සාර්ථකව දියත් කෙරිණි.

මෙවැනි වැඩසටහන් හරහා අප වඩාත් සුබදායී අනාගතයක් වෙනුවෙන් ප්‍රජාව සවිබලගැන්වීමටත්, අධ්‍යාපනයටත් දක්වන දායකත්වය තවදුරටත් ශක්තිමත් කෙරේ.