දූර්දර්ශී චින්තකයෙකු මෙන්ම ක්‍රමෝපායික පරිකල්පනවාදියෙකු වන ඔන්ඩට්ජි මහතා, සංචාරක ක්ෂේත්‍රය හා හෝටල්, මෝටර් වාහන ක්ෂේත්‍රය, මූල්‍ය සේවා හා අලෙවි කටයුතු ආදී විවිධ වූ ක්ෂේත්‍ර ගණනාවක අත්දැකීම් සමූහයක් සමඟින් මර්කන්ටයිල් ඉන්වෙස්ට්මන්ට්ස්හි අධ්‍යක්ෂ මණ්ඩලයට මුලින්ම පත් වනු‍යේ 1993 වර්ෂයේදී ය.

ඇමරිකා එක්සත් ජනපදයේ ඇරිසෝනා රාජ්‍ය විශ්වවිද්‍යාලයේ ගණකාධිකරණ උපාධිධාරියෙකු වන හෙතෙම, ක්‍රමෝපායික කළමනාකරණය, මානව සම්පත් කළමනාකරණය, මූල්‍ය, මහජන සම්බන්ධතා, යහපාලන, අවදානම් කළමනාකරණය හා ව්‍යාපෘති කළමනාකරණය ආදී ක්ෂේත්‍ර ආශ්‍රිතව අධ්‍යක්ෂ මණ්ඩලය සඳහා සිය දායකත්වය ලබාදෙනු ලැ‍බේ. මීට අමතරව නාමයෝජනා කමිටුව, ඒකාබද්ධ අවදානම් කළමනාකරණ කමිටුව හා ණය කමිටුව ඇතුළුව මර්කන්ටයිල් ඉන්වෙස්ට්මන්ට්ස්හි අධ්‍යක්ෂ මණ්ඩල උප-කමිටු රාශියක ද සමාජිකත්වය දරමින් ඔන්ඩට්ජි මහතා සිය ස්වකීය විශේෂඥතා දැනුම ලබා දෙනු ලැබේ.

ෆෙයාර් වීව් හොටේල් (ප්‍රයිවට්) ලිමිටඩ්, නිලාවැලි හොටේල්ස් (ප්‍රයිවට්) ලිමිටඩ් සහ මර්කන්ටයිල් ෆෝචූන්ස් ඉන්ෂුවරන්ස් බ්‍රෝකර්ස් (ප්‍රයිවට්) ලිමිටඩ් හි සභාපති ධූර හොඹවන ඔන්ඩට්ජි මහතා, නිලාවැලි බීච් හොටේල්ස් (ප්‍රයිවට්) ලිමිටඩ්, මර්කන්ටයිල් ෆෝචූන්ස් (ප්‍රයිවට්) ලිමිටඩ්, මර්කන්ටයිල් ඔරියන්ට් (ප්‍රයිවට්) ලිමිටඩ් හා ද නුවරඑළිය හොටේල්ස් කම්පැණි පීඑල්සී හි නියෝජ්‍ය සභාපති ධූරයන් ද හොඹවනු ලැබේ. මීට අමතරව ටැන්ජරීන් බීච් හොටේල්ස් පීඑල්සී, රෝයල් පාම්ස් බීච් හෝටල්ස් පීඑල්සී, සිකියුරිටි සිලෝන් (ප්‍රයිවට්) ලිමිටඩ්, ටැන්ජරින් ටුවර්ස් (ප්‍රයිවට්) ලිමිටඩ්, ග්ලෝබල් ෆිල්ම්ස් ලිමිටඩ්, ඉන්ටර්නැෂනල් ෆෝචූන්ස් (ප්‍රයිවට්) ලිමිටඩ් හා ටැන්ජරීන් වැකේෂන්ස් (ප්‍රයිවට්) ලිමිටඩ් යන ආයතනවල අධ්‍යක්ෂ මණ්ඩලවල අධ්‍යක්ෂ ධූරයන්ද මොහු විසින් දරනු ලැබේ.

මූල්‍ය සේවා, රක්ෂණ කටයුතු, නිෂ්පාදන, කුඩා ව්‍යාපාර, අලෙවි හා මෝටර් වාහන වැනි ක්ෂේත්‍ර ගණනාවක ලබා ඇති බහුවිධ අත්දැකීම් සමඟින්, ජයසූරිය මහතා මර්කන්ටයිල් ඉන්වෙස්ට්මන්ට්හි ක්‍රමෝපායික කළමනාකරණය, අයකරගැනීම්, මානව සම්පත් කළමනාකරණය, මූල්‍ය, අරමුදල් රැස්කිරීම්, මහජන සබඳතා, යහපාලන හා අවදානම් කළමනාකරණය යන අංශ වලට අදාළව සිය දායකත්වය අධ්‍යක්ෂ මණ්ඩලය වෙත 2001 වර්ෂයේ සිට ලබාදෙනු ලැබේ.

ශ්‍රී ලංකාවේ ශ්‍රී ජයවර්ධනපුර විශ්වවිද්‍යාලයේ කළමනාකරණ පශ්චාත් උපාධි ආයතනයෙන් ව්‍යාපාර කළමනාකරණය පිළිබඳ ශාස්ත්‍රපති උපාධිය ලබා ඇති හෙතෙම, ශ්‍රී ලංකා වරලත් ගණකාධිකාරිවරුන්ගේ ආයතනය (FCA), එක්සත් රාජධානියේ කළමනාකරණ ගණකාධිකාරිවරුන්ගේ ආයතනයේ (FCMA) වරලත් ගෝලීය කළමනාකරණ ගණකාධිකාරී තත්ත්වය (CGMA ) සහිතව හා ශ්‍රී ලංකාවේ සහතිකලත් කළමනාකරණ ගණකාධිකාරිවරුන්ගේ ආයතනයේ අධිසාමාජිකත්වය දරනු ලැබේ.

ඒකාබද්ධ අවදානම් කළමනාකරණ කමිටුව, ණය කමිටුව හා සම්බන්ධිත පාර්ශවයන්හි ගනුදෙනු සමාලෝචන කමිටුව ඇතුළුව මර්කන්ටයිල් ඉන්වෙස්ට්මන්ට්හි අධ්‍යක්ෂ මණ්ඩල උපකමිටු කිහිපයක මොහු සක්‍රීය සාමාජිකයෙකි. මර්කන්ටයිල් ෆෝචූන්ස් (ප්‍රයිවට්) ලිමිටඩ්, සිකියුරිටි සිලොන් (ප්‍රයිවට්) ලිමිටඩ්, මර්කන්ටයිල් ෆෝචූන්ස් ඉන්ෂුවරන්ස් බ්‍රෝකර්ස් (ප්‍රයිවට්) ලිමිටඩ් හා ෆයිනෑන්ස් හවුස් ඇසෝසියේෂන් ඔෆ් ශ්‍රී ලංකා යන ආයතනවල අධ්‍යක්ෂ මණ්ඩල සමාජිකත්වය ද මොහු විසින් දරනු ලැබේ.

දශක දෙකකට අධික කාල සීමාවක් පුරා දිවෙන සංචාරක හා හෝටල් අංශය, මූල්‍ය සේවා හා නිෂ්පාදන යන අංශ සම්බන්ධිත ස්වකීය නිපුණත්වය සමඟින් 1992 වර්ෂයේ දී අධ්‍යක්ෂ මණ්ඩලයට පත්කරනු ලදුව, ඔන්ඩට්ජි මිය විසින් ක්‍රමෝපායික කළමනාකරණය, මානව සම්පත් කළමනාකරණය, මූල්‍ය හා මහජන සම්බන්ධතා සම්න්ධයෙන් ස්වකීය විශේෂඥතා දැනුම ආයතනය වෙත ලබාදෙනු ලැබේ.

ඇමරිකා එක්සත් ජනපදයේ ඔස්ටින්හි ටෙක්සාස් විශ්වවිද්‍යාලයෙන් ව්‍යාපාර කළමනාකරණය පිළිබඳ ශාස්ත්‍රපති උපාධිය ලබා ඇති මැය, ඇමරිකා එක්සත් ජනපදයේ මැස්සෝච්යුසෙට්ස් ඉන්ස්ටියුට් ඔෆ් ටෙක්නොලොජි වෙතින් මූලික උපාධිය ලබා ගෙන ඇත.

ටැන්ජරීන් වැකේෂන්ස් (ප්‍රයිවට්) ලිමිටඩ් හි සභාපති ධූරය උසුලන ඔන්ඩට්ජි මෙනෙවිය, ටැන්ජරින් ටුවර්ස් (ප්‍රයිවට්) ලිමිටඩ් හි කළමනාකාර අධ්‍යක්ෂ තනතුරද ටැන්ජරීන් බීච් හොටේල්ස් පීඑල්සීහි හා රෝයල් පාම්ස් බීච් හොටේල්ස් පීඑල්සීහි සමූහ කළමනාකාර අධ්‍යක්ෂ තනතුර ද දරනු ලැබේ. ද නුවරඑළිය හොටේල්ස් කම්පැණි පීඑල්සී, මර්කන්ටයිල් ෆෝචූන්ස් (ප්‍රයිවට්) ලිමිටඩ්, සිකියුරිටි සිලෝන් (ප්‍රයිවට්) ලිමිටඩ්, නිලාවැලි බීච් හොටේල්ස් (ප්‍රයිවට්) ලිමිටඩ්, ග්ලෝබල් ෆිල්ම්ස් ලිමිටඩ්, ඉන්ටර්නැෂනල් ෆෝචූන්ස් (ප්‍රයිවට්) ලිමිටඩ්, මර්කන්ටයිල් ඔරියන්ට් (ප්‍රයිවට්) ලිමිටඩ්, ෆෙයාර් ඉන්ෂුවරන්ස් බ්‍රෝකර්ස් (ප්‍රයිවට්) ලිමිටඩ්, ද ලයිට්හවුස් හොටේල් පීඑල්සී, ෆීනික්ස් ඉන්ඩස්ට්‍රීස් ලිමිටඩ් හා බ්‍රෂ්කෝ (ප්‍රයිවට්) ලිමිටඩ් යන ආයතනවල අධ්‍යක්ෂ මණ්ඩලවල අධ්‍යක්ෂ ධූරයන් මැය විසින් දරනු ලැබේ. ඔන්ඩට්ජි මිය, ශ්‍රී ලංකා සංචාරක ප්‍රවර්ධන කාර්යාංශයේ ද අධ්‍යක්ෂවරියක් වන අතර, සංචාරක හෝටල් සංගමයේ උප සභාපතිත්වය ද දරනු ලැබේ.

1995 වර්ෂයේ දී අධ්‍යක්ෂ මණ්ඩලයට පත් කරනු ලදුව, දශක දෙකකට අධික කාල සීමාවක් පුරා දිවෙන මූල්‍ය සේවා, මෝටර් වාහන හා සංචාරක ක්ෂේත්‍රවලට සම්බන්ධිත සිය අත්දැකීම් ඔන්ඩට්ජි මහතා විසින් මර්කන්ටයිල් ඉන්වෙස්ට්මන්ට්ස්හි අධ්‍යක්ෂ මණ්ඩලය වෙත ලබාදෙනු ලැබේ.

ඇමරිකා එක්සත් ජනප‍දයේ ඇරිසෝනා රාජ්‍ය විශ්වවිද්‍යාලයේ විද්‍යාවේදී උපාධිධාරියෙකු වන ඔන්ඩට්ජි මහතා, ක්‍රමෝපායික කළමනාකරණය, මානව සම්පත් කළමනාකරණය, මූල්‍ය, මහජන සබඳතා හා අවදානම් කළමනාකරණය යන ක්ෂේත්‍ර අලළා සමාගම වෙත සිය විශේෂඥතා දැනුම ලබාදෙනු ලැබේ.

නිලාවැලි බීච් හොටේල්ස් (ප්‍රයිවට්) ලිමිටඩ් හා නිලාවැලි හොටේල්ස් (ප්‍රයිවට්) ලිමිටඩ් කළමනාකරණ අධ්‍යක්ෂවරයා වන ඔන්ඩට්ජි මහතා, ටැන්ජරින් බීච් හොටේල්ස් පීඑල්සී, රෝයල් පාම්ස් බීච් හොටේල්ස් පීඑල්සී, නුවරඑළිය හොටේල්ස් කම්පැණි පීඑල්සී, මර්කන්ටයිල් ෆෝචූන්ස් (ප්‍රයිවට්) ලිමිටඩ්, සිකියුරිටි සිලෝන් (ප්‍රයිවට්) ලිමිටඩ්, ෆෙයා විව් හොටේල් (ප්‍රයිවට්) ලිමිටඩ්, ටැන්ජරින් ටුවර්ස් (ප්‍රයිවට්) ලිමිටඩ්, ග්ලෝබල් ෆිල්ම්ස් ලිමිටඩ්, ඉන්ටර්නැෂනල් ෆෝචූන්ස් (ප්‍රයිවට්) ලිමිටඩ්, මර්කන්ටයිල් ඔරියන්ට් (ප්‍රයිවට්) ලිමිටඩ්, මර්කන්ටයිල් ෆෝචූන්ස් ඉන්ෂුවරන්ස් බ්‍රෝකර්ස් (ප්‍රයිවට්) ලිමිටඩ් සහ ටැන්ජරීන් වැකේෂන්ස් (ප්‍රයිවට්) ලිමිටඩ් යන සමාගම්වල අධ්‍යක්ෂ ධූරයන් ද හොඹවුන ලැබේ.